Football Association chuan England National team manager tur an zawng mek a, Chelsea leh Bayern Munich manager hlui Thomas Tuchel chu an be mek nia report a ni.

Euro khelh zawh khan major tournament-a final vawi hnih luhpuitu Gareth Southgate chuan a hna a kalsan a, Carsley chuan England team a enkawl lailawk.

Thomas Tuchel hi coach tha a ni a, 2020/21 Champions League no mawi kha Chelsea a chawipui a, mahse Todd Boehly leh Clearlake Capital-in Chelsea-ah thuneihna an neih tak hnu khan an ban ta a ni.

Chelsea a chhuahsan hnuah Bayern Munich a enkawl leh a, Bundesliga title lakpui mah se, a season hnihnaah pahnihna a nihpui. Bayern Munich nen an inthathen hnuah hna a la nei leh lo.

FA hian coach chi hrang hrang an bia nia report a ni a, media thenkhat tarlan dan chuan, Manchester City-a contract hmang zo tep tawh Pep Guardiola pawh an dawr nghe nghe a ni awm e.

Newcastle United boss Eddie Howe pawh FA chuan an ngaihven nia tarlan a ni a, hetih lai hian hna nei loa awm mek Thomas Tuchel chu England team enkawl tura rinkai ber a ni mek.

Nipui lai khan Manchester United pawhin Tuchel hi an lo dawr a, mahse German coach hian Manchester United hi a lo hnar.