Anthony Elanga chungchangah Newcastle United leh Nottingham Forest te chu an inrem ta a, Elanga hian kum 5 chhung atan Newcastle-ah contract a ziak ang.

Thla hmasa khan Newastle chuan Elanga chungchangah Forest an dawr a, mahse an indawrna a hlawhchham. A man an chhiar zat vel chu Newcastle United chuan an thehchhuak ta nge nge a ni.

Elanga man chungchangah club pahnih te hi £52million ($70.7m) bakah bonus telin an inrem ta a, club pahnihte hian inrem an harsat em em, tunah erawh medical nei turin Elanga a inbuatsaih ta a ni.

Kum 23 mi Elanga hian tun ni hnih khat chhung hian Newcastle United-ah medical a nei dawn a ni. Nikum lam khan Newcastle hian lei tumin hma an lo la tawh a, £45million ($61.2m) vel an thehchhuak a, Paraguay winger Miguel Almiron pek tel an tum. Hetih lai hian indawrna a tlawlh.

Thla hmasa khan Newcastle chuan an dawr leh a, thun thla ni 3 khan Newcastle hian £50m ($68m) bakah bonus an thehchhuak leh, hei pawh hi an lo hnawl leh a, tunah chuan £52million ($70.7m)-in an inrem ta a ni.

Kum 2023 July thla khan Elanga hian Manchester United atangin Forest hi a zawm a, Forest tan hian game 83 a khel ve hman. Season liamta khan Premier League game zawng zawng khelin, goal 6 a khung bakah assist vawi 11 a nei bawk a ni.