Mahuma Memorial 1st Division Cricket Tournament League round 4-na match tawp ber chu vawiinah khan Sihhmui-ah khelh niin, ruah sur avangin a tan hunah an tan thei lo a, over 30 ah tih tawi niin Durtlang CC in Zemabawk Pitchers CC an hneh.

Zemabawk Pitchers CC te toss-ah an chak a, bat hmasak an thlang a. Over 28 ah run 117 siamin an out vek a, Zomuansanga'n run 29 a siam a, Durtlang tan Aditya More leh Zothanzuala'n wicket 3 ve ve an la a ni.

Durtlang CC te hian an target umin an rawn bat ve leh a, over 26.3 ah wicket hlohin run 121 an siam a, Durtlang CC te hi wicket 8 in an chak a ni. Durtlang CC tan Zothanzuala bawk che thain run 44 a siam a, a siam tam ber a ni.

Man of the Match-ah Zothanzuala, Durtlang CC thlan a ni.

Durtlang khelmuala khelh 2nd Division Screening Tournament (Khaled Memorial) chu chhunzawm zel a ni a, Hunthar CC in Gorkha Rising CC an hneh.

2nd Division Screening Tournament-ah hian Hunthar CC te chuan an bat hmasa a, over 25 ah run 180  siamin an out vek.

Gorkha Rising CC ten bat ve leh in over 22.5 ah run 103 siamin wicket an hloh vek a, Hunthar CC te hi run 77 in an chak a ni.

Man of the Match-ah Hunthar CC player Lalhruaitluanga Vuite chu thlan a ni.

31.3. 2021 (Nilaini) fixtures:
1st Division (Mahuma Memorial)
Zarkawt Lords CC vs Armed Veng CC

2nd Division (Khaled Memorial)
Saron CC vs Tlangnuam CC