Duffy-a’n Fulham a zawm

05th August 2022, 08:08PM

Premier League kaithar Fulham chuan, Brighton atangin Irish defender Shane Duffy chu season khat chhung atan loan-in an lalut.

Kum 30 mi hi tun nipui bazar chhunga Fulham player lakluh parukna a ni a, London club hian Bernd Leno, Joao Palhinha, Andreas Pereira, Kevin Mbabu leh Manor Solomon te an lo lalut tawh bawk a ni.

Kum 2016 khan Blackburn Rovers chhuahsanin, Duffy hian Brighton a pan a, a hunlaia Brighton player man to ber a ni.

Duffy hi palyer tawnhriat ngah a ni a, Premier League-ah game 114 khel tawhin, a ram Republic of Ireland tan vawi 55 a inlan tawh bawk.

Duffy hi Everton academy chhuak a ni a, kum 2009 khan Everton-ah a professional career bul tanin, Burnley, Scunthorpe United, Yeovil Town leh Celtic-ah te pawh a lo khel tawh thin a ni.

Copyright © inkhel.com 2022. All rights reserved.