Aston Villa forward Maussa Diaby chuan Saudi Pro League club Al Ittihad a zawm fel ta a, a man hi €60million (£50.6m; $65.3m) vel nia report a ni.

Kum 25 mi hian nikum nipui bazar inhawn lai khan Bayer Leverkusen atangin Villa a pan a, kum 5 chhung atan contract ziakin, a man kha €40m plus add-ons a ni.

France international hian Villa tan game 54 khelin, goal 10 a khung bakah, assist vawi 9 a nei.

Nikum nipui bazar inhawn lai khan Saudi Pro League club Al Nassr khan an ngaihven viau a, mahse Unai Emery lam a pan ta zawk a, tun nipui bazarah erawh Saudi lam a pan ta nge nge a ni.

Al Ittihad hian Karim Benzema chu Real Madrid atangin an la tawh a, N'Golo Kante chu Chelsea atangin an la a, Liverpool atangin Fabinho an la lut bawk.

Aston Villa pawh Champions League an khelh dawn avangin player an la lut ta nual mai. wingers Samuel Illing-Junior, Lewis Dobbin leh Jaden Philogene te chu Juventus, Everton leh Hull City atangin an la lut.

Cameron Archer  pawhin Sheffield United atangin a club hlui Villa a zawm leh bawk. 

Tin, central midfielder Enzo Barrenechea (Juventus) leh Ross Barkley (Luton Town) te an la lut tawh bawk a, Everton atangin Amadou Onana an la lut tawh bawk a ni.