Manchester United chuan Dutch defender Matthijs de Ligt lak luh tumin hma an la mek a, Leny Yoro a inhliam avangin United hian a rang thei ang bera de Ligt lak luh an tum niin Mirror chuan a tarlang.

United hian tun nipui bazarah defender an lei tawh a, Lille atangin £58.9m velin Leny Yoro an lei tawh. Hetih lai hian Pre-season friendly match-a Arsenal an hmachhawn tumin Yoro hi a inhliam tlat mai.

Yoro hian a kerek a tihliam a, a hliam hi a na deuh niin a lang a, season tir lamah United tan a inlan ve thei dawn lo nia report a ni. Hei vang hian de Ligt chu hmanhmawh taka rang taka lak tumin hma an la niin Mirror chuan a tarlang.

Erik ten Hag chuan Matthijs de Ligt hi a player duhzawng a nih thu leh, lak tuma hma an lak thu a zep lem lo. Bayer Munich nen indawrna an lakpui mek, hei aia chak zawka hma lak an tum mek bawk a ni.

United hian Bayern Munich atangin Noussair Mazraoui lak tumin hma an la mek bawk. He full back hi mimal thilah chuan harsatna a awm dawn lo niin The Athletic chuan a tarlang a, hetih lai hian Bissaka awm dan turin thui tak transfer hi a hril dawn niin The Athletic chuan a tarlang a ni.

West Ham lamin Bissaka lak an tum, mahse United right-back hian Hammers pan a duh lo, Inter Milan lam pan a duh zawk si, United hian an defender hi hralh an tum a, kum khat chiah Old Trafford-ah contract a nei tawh bawk a, tun nipui bazara hralh ngei tumin hma an la mek bawk a ni.