Barcelona president Joan Laporta chuan, an midfielder Frenkie de Jong chuan Spotify Camp Nou atanga input chhuah a duh loh thu a sawi.

Manchester United chuan Dutch midfielder hi lakluh an tum hle a, thla hmasa khan United leh Barcelona te hi De Jong-a man atan pound maktaduai 63.5 in an inrem hman nghe nghe a ni.

A manah United leh Barcelona ten inremna nei mah se, De Jong hian Barcelona chhuahsan a duh loh bakah, United zawm a duh loh avangin United hian mimal thilah inremna an neihpui thei lova, United hian tun nipui bazar chhungin De Jong hi an lakluh a rinawm loh.

Laporta chuan, “Barca player tha a ni a, kan hnena cham zel turin kan duh. Dawrtu a nei a, mahse chhuak lo se kan duh a, amah pawh hian kan hnena cham zel a duh a ni,” tiin De Jong-a chungchang a sawi.

Kum 25 mi hi Chelsea pawhin an dawr nia sawi a ni a, Barcelona hian chelh duh viau mah se, a hlawh a tihhniam an phut a, tun dinhmunah De Jong-a hmalam hun hi a la chiang lo rih hle a ni.