Premier League referee hlui David Coote chu a buai chhunzawm zel a, hur sualna kawnga naupang thlalak a lo kawl leh thehdarh avangin Nottinghamshire Police te chuan thubuai an siam sak.

Kum 43 mi hian Liverpool manager hlui Jurgen Klopp-a chungchang mawi lo takin a sawi a nih kha, khami avang khan hrem a ni a, ban a ni chhunzawm bawk.

Kumin February thla khan Coote hian naupang thlalak a lo kawl nual tih Police te chuan an hria a, video leh thil dang dang chu a electronic device thenkhat atangin hmuchhuah a ni a, August ni 12 khan thubuai siam sak a ni a, Ningani hian Nottingham Magistrates' Court hmaah a inlan ang.

Liverpool manager hlui Klopp-a chungchang mawi lo taka a sawi avangin nikum December thla khan PGMOL chuan a ban a, FA pawhin kar 8 chhung a hrem bawk. Tin, damdawi khawih lai anga thla a lak avangin Uefa pawhin a hrem a, kum 2026 June ni 30 thleng hrem a ni.

Coote hi bail hmanga chhuah rih a la ni a, he a thubuaiah hian thiam loh a chang a nih chuan jail bang a zut thei dawn a ni.