Juventus goalkeeper hlui Dino Zoff chuan Real Madrid superstar Cristiano Ronaldo chu dan theih a nih loh thu a sawi a, a 'miss' beisei bak tih theih a awm loh thu a sawi!

(adsbygoogle = window.adsbygoogle || []).push({});

Juventus leh Champions League-a champion lai Real Madrid te chu zaninah an inkhel dawn a, Turin khawpuiah first leg an khel ang - Nikum final rematch a ni a, nikum khan Ronaldo chuan goal hnih a khung a nih kha.

Tun season-ah Ronaldo hian goal 12 (8 Appearance) a thun tawh a, he kum 33 mi aia khung hnem an awm lo.

Juve leh Italy tana ropui taka lo khel tawh Zoff chuan Ronaldo hi dan theih anih lo thu a sawi a ni.

MARCA in an kawm naah, "Ronaldo hi player ropui tak a ni.

"I hmachhawn a nih chuan engtik lai pawhin i inrin reng a tul ang. I tih theih awmchhun chu a 'miss' beisei chiah a ni."

Ronaldo hian tunhnaiah goal a khung thei em em a, ram leh club tan a inlan hnuhnung 13-ah goal 23 a khung a ni.