Inter Milan chuan an manager Antonio Conte chu an ban mai dawn anga sawi awm nasa hman viau mahse, Italian manager hi season tharah pawh Inter Milan manager a la ni chhunzawm zel dawn.

Conte hnuaiah Inter hi season khelh zawh takah khan an che chhe lo hle a, Serie A lamah pahnihna niin, champion Juventus chu point 1 chiahin an pha lova, Europa League final an thleng bawk.

Europa League final-ah erawh an chak zo lova, Sevilla lakah an tlawma, hemi game zawh hian Conte chu Inter manager a la nih zel dawn leh nih zel dawn loh zawh niin, Conte hian a hriat bik loh thu leh a pute nen an inbiak tur thu a sawi.

Inter Milan chuan thuchhuah siamin, “Club leh Antonio Conte chuan inbiakna hlawhtling tak kan nei theia, club hmachhawpah hian la thawk ho zel turin thu tihtluk a ni,” an ti.

Inter hian season kaw chhung ngawt trophy an chawi tawh lova, Conte-a ho hian season tharah chawi ngei an tum dawna, an che sual te a nih loh chuan hma an sawn zel a beiseiawm hle a ni.