Premier League champion Manchester City leh Ligue 1 champion Paris Saint-Germain-te chuan Lyon rawlthar Bradley Barcola an inchuh mek.

Kum 20 mi hi a position dik tak chu forward ni mahse, tlarhmaah a chhawr kual theih vek a, season liamta chawhnu lamah khan a chetha hle. Tunhnaiah European club liante'n player naupang lakluh an in tihhmuh a, team tinin hmalam hun atan team din an duh.

Barcola hian season liamta Ligue 1-ah khan game 26 khelin goal 14 a thawkchhuak a, club lian hoin hel mek mahse Lyon-in awlsam taka kaltir an tum bik lo. An chhiar zat anga lei ngam an awm loh chuan chhuahtir an tum lova, an hnenah awmzui rih mahse pawi an tilo.

Tau thla khan si khat faiin PSG an hneh a, he inkhela goal awmchhun hi Barcola khung a ni nghe nghe. PSG manager thar tur Luis Enrique chuan Parc des Princes-a thlemluh a duh a, City boss Pep Guardiola pawhin a enliam mai mai lo. Club pahnihte hian thlithlai turin scout an tir tawh a, kum 20 mi chauh la ni mahse a to viau maithei.

Lyon academy atanga inzirchhuak niin youth team-ah a awm thin a, 2021 khan senior team-ah kaisangin hma a sawn chak hle. France Under-20 leh Under-21 tan pawh a fehchhuak ve fo tawh a, Lyon hian an kawlrei vak a rinawm loh a ni.