Manchester City chuan left-back thar an nei thuai dawn a, Anderlecht atangin Sergio Gomez an lalut dawn a, club hnih te inkarah inremna a awm tawh tih Sky Sports chuan a tarlang.

Darkar 48 chhung velin Gomez hi Manchester thleng tura ngaih a ni a, medical te neiin contract a ziak dawn a, official announcement a awm har tawh dawn lo.

Premier League champion lai City leh, Belgian club Anderlecht te hi, Spanish defender man atan hian pound maktaduai 11 in an inrem tih Sky Sports chuan a tarlang bawk.

Kum 21 mi hi City hian chhawr nghal an tum lo nia sawi a ni a, City Group club dangah loan-in an chhuah tir nghal dawn nia sawi a ni.

Gomez lalut dawn mah se, City hian an first team-a awm nghal tur left-back thar an la zawng mek zel a, Borussia Dortmund defender Raphael Guerreiro chu City player duh a nih thu chanchinbu mi te chuan an tarlang a ni.