Christian Eriksen chuan 2020 thleng Tottenham Hotspur-ah contract a pawtsei. Denmark international Christian Eriksen hian 2013 khan Ajax atangin Spurs hi £12.5m in a zawm a, Spurs tan hian game 134 a inlan tawh a Premier League bikah goal 23 a khung tawh a ni. Eriksen hian goal khung pur pur lo mahse team tan a tangkai hle a a khelhpui Harry Kane chawmtu ber a nih mai bakah Tottenham-ah hian set-piece taker a ni bawk a ni.

Tottenham ball semtu ber a ni a Eriksen hian an tumpuite tan harsatna a siam nasa thei hle. season liamta khan Eriksen hian tackle 41 a nei a, interception 35 a nei bawk. A pass accurate zawng hi 82% lai a ni. Eriksen chuan, "He club hian hmalam hun eng tak a nei a, chu chu hmu lo ni ila chuan contract hi ka sign hauh lo ang" tiin contract a ziah belh chungchang hi a sawi.

Kum 24 mi Eriksen hian kar khatah £35,000 atangin £70,000 a hlawh tawh dawn a, Tottenham player zinga hlawh tam ber a ni tawh dawn a ni. Spurs hian an keeper Hugo Lloris 2019 a contract zo tur leh defender Jan Vertonghen 2018 a contract zo turte chu contract pawtsei turin an dawr mek bawk.

(adsbygoogle = window.adsbygoogle || []).push({});