Nilaini khan Liverpool leh Juventus te chu Federico Chiesa manah an inrem a, Italy international hian England a pan nghal bawk.

Liverpool hian Chiesa manah hian £10million an pe phawt ang a, chumi hnuah a chetthat dana zirin add-ons £2.5m an pe leh dawn a ni.

"Liverpool player nih thuai thuai ka chak, ka hlim hle a ni, kei leh ka chhungte kan hlim tak zet a ni.

"Juventus leh fan-te chungah ka lawm a, ka nunah hmun pawimawh tak an chang reng ang, tunah chuan Liverpool lam ka pan a, ka phur hle a ni," tiin Chiesa chuan a sawi.

Kum 2020 khan Chiesa hian Fiorentina atangin loan-in Juventus a zawm a, a hnuah €50m (now £42.3m; $55.8m)-in an inlei chhunzawm

Massimiliano Allegri-a hnuaiah khan Chiesa hian inkhelhna hmun a chang hnem a, season liamta khan game 37 atangin goal 10 a khung a, assist vawi 3 a nei bawk.

Kum 2022 January thla khan hliam na tak a tuar a, thla 9 emaw vel a chawl a nih kha.

2021 Euro-a Italy an champion tum khan player pawimawh tak a ni a, Juventus tan game 131 atangin goal 32 a khung tawh a, Fiorentina tan khan game 154 atangin goal 34 a khung hman bawk.