Chelsea anga sum duh ang tawka hman tur an neih ve loh avangin, Liverpool chuan zan khat thil thua hmasawn an harsat thu Jurgen Klopp chuan a sawi. 

Klopp hian nikum khan Reds-ah hian kum 2026 thleng daih contract a ziak a, an nihna leh an squad tuai thar a duh thu a sawi chhuak.

Tun season-ah Liverpool hi duh angin an che tha lo a, Premier League Table-ah 9-naah an awm mek. Mike Calvin-a Football People podcast-ah Klopp chuan, Liverpool-in Chelsea anga sum thehchhuah tur an neih ve loh avangin an tan hmasawn thut a harsat thu a sawi.

"Chona lian ber chu ka ti lo, mahse chona chu a ni. Heta contract thar ka sign leh nachhan pawh a tula ka hriat vang a ni. 

"Tunah hian coach dangte dinhmunah hian ding ve ila, chawlh hmangin hmun dangah hun ka hmang ang.

"Thil mak thlentir theitu kan ni lo a, chu chu tuna ka dinhmuna ka awm a thatna a ni. Inhliam tam tak kan nei a, chu chuan kan nun a chawk buai vek. 

"Mahse chutah chuan harsatna ka nei lo, thil nih dan ka hmuchiang a, hun rei lote chhung atan tak tak bak Club dang chuan an ngaihven tak tak ngai lo. Mahse hun rei tak daih pawh kan thlir tel tho tur a ni. Chu chu kan tihdan a ni bawk.

"Kan dinhmuna zir zelin tih dan kawng tam tak chu a awm. Chelsea hian engtin nge an tihtheih bik? tuma'n an hre lo. Heti zata tam hi pawisa an seng tawh nia. 

"Sum tam tak sen tur kan neih ve loh chuan hun inher danglam hun nghah bak tihtheih kan nei lo. Zan khat thil thua player 10 la lut thei dinhmuna din loh chuan inthlak danglam vak ngaihna a awm lo,"
tiin Jurgen Klopp chuan a sawi.