Chelsea chuan Sporting CP atangin Dario Essugo an lak luh thu an puang.

Kum 20 mi midfielder manah hian Chelsea chuan £18.5million ($23.9m) an thehchhuak a, hetah hian add-ons a tel lo a ni.

Essugo hian hun rei zawk atan UEFA Conference League champion team-ah hian contract a ziak a, a contract hi kum 2033 thleng daih nia report a ni.

Essugo hi Portugal youth international a ni a, 2024-25 season khan loan-in Las Palmas a zawm a, La Liga-ah game 27 a khel ve.

He defensive midfielder hian kum 2021 khan Sporting-ah senior debut a khel a, first team tan game 29 a khel.

Chelsea hian Sporting CP atang thoin winger Geovany Quenda lak an tum a, march thla khan inremna an nei tawh.

Hetih lai hian kum 18 mi hi Portuguese club-ah hian a la awm chhunzawm zel dawn a, July 2026-ah chauh Stamford Bridge a pan dawn a ni. 

Geovany Quenda hian Chelsea-ah kum 2033 thleng contract a ziak a, hetah hian kum 1 dang atan pawh sei theihna a tel.

Chelsea hian Ipswich Town atangin Liam Delap an la dawn bawk a, mimal thilah inremna an nei tawh a, medical nei mai tur nia report a ni.