Chelsea leh Newcastle United te chuan Brighton & Hove Albion forward Joao Pedro lak tumin hma an la ve ve.

Brighton hian club pahnih dawrna hi pawm an la nei lo a, tu zawkin nge chang dawn tih a la sawi theih loh.

Season liamta Premier League match hnuhnung pahnih kha Pedro hian a hmaih a, kum 23 mi Brazilian international leh a team-mate Jan Paul van Hecke te chu training ground-ah an intibuai a, kha vang khan hrem an ni ve ve a ni.

Pedro hian season liamta khan competition hrang hrangah Brighton tan game 30 a khel a, Premier League goal 10 khungin, assist vawi 6 a nei bawk.

Kum 2023 khan Watford atangin Brighton a pan a, a man kha £30million vel nia report a ni. Brighton tan game 70 a khel ve tawh a, goal 30 a khung tling tawh bawk.