Chelsea chuan All Blacks leadership manager leh mental skill coach Gilbert Enoka chu short-term consultant atan an la lut.
New Zealand in Rugby World Cup 2011 leh 2015 an champion khan kum 57 mi hi coaching staff zingah a tel a. PE teacher hlui hian an ram cricket team-ah leh netball team-ah pawh kum 3 chhung mental skills coach hna a lo thawk tawh.
Chelsea-a consultancy hna a thawh tur hi football-a a thawh hmasak ber tur niin, Manager Graham Potter-a hnuaia thawh chhung hian team culture hmasawnna ngaihtuah chu a thawh ber tur a ni.
Stamford Bridge club, Premier League-a 9-na ni mek hian £300m bawr velin January transfer window-ah player thar 8 an la lut a ni.