Chelsea chuan Victor Osimhen an lak theih nan an striker tuna loan-a khel chhuak mek Lukaku thehchhuah an remti nia report a ni.

Chelsea chuan Victor Osimhen hi lak tumin hma an la tawh a, Napoli pawh kar hmasa khan an dawr tawh niin Itaian chanchinbu te chuan an tarlang.

Sky Sport Italia-in a tarlan dan chuan, Chelsea chuan Osimhen-a manah £77m an thehchhuak ang a, an striker Roma tana loan-a khel mek Lukaku bakah, an player naupang pakhat pek tel an remti dawn.

Napoli sporting director thar tur Giovanni Manna hian Juventus-a a awm laiin Lukaku hi lak a lo tum tawh a, Napoli-a a awm hunah Lukaku hi a lak mai ring an tam hle.

Tin, Napoli chuan caoch thar an dap mek a, Stefano Pioli, Vincenzo Italiano, Gian Piero Gasperini leh Antonio Conte te chu an thlithlai mek, anni hi Lukaku ngainatu vek an nih thu Italian media te chuan an tarlang nghe nghe.

Osimhen hian kum hnih dang Napoli-ah contract a la nei, hei vang hian tun season tawpa a chhuak dawn a nih pawhin, a man a tlawm dawn lo tih a chiang nghal a ni.