Chelsea chuan defender Jorrel Hato lak tumin Ajax an dawr mek niin The Athletic chuan a tarlang.

Kar hmasa khan Chelsea chuan Hato hi an ngaihven a, kum 19 mi hi English club lian dang Arsenal te pawhin an ngaihven thin tawh a ni.

Hato hi veilam hmang thiam a ni a, centre-back veilamah te a khel thin a, left-back ah pawh a khel thin bawk. Ajax tan game 111 a khel tawh a, captain atan te pawh an hmang bawk.

Kum 2018 khan Sparta Rotterdam atangin Ajax Academy a zawm a, kum 2023 January thla khan Ajax senior team-ah a inlan tan.

Kum 2023 November thla khan Netherlands tan a debut game a khel a, ram tan hian game 11 a khel ve tawh bawk.

Tun nipui bazarah Chelsea hian Liam Delap, Joao Pedro leh Jemie Gittens te an la lut tawh a, a hmaa inremna an lo neihpui tawh Estevao, Dario Essugo, Mamadou Sarr leh Kendry Perez te pawh an la lut bawk.

Chlesea hian player an thehchhuak nuam bawk a, Kepa Arrizabalanga leh Noni Madueke te chuan Arsenal an zawm a, Mathus Amougou chuan Strasbourg a pan a, Djorde Petrovic chuan Bournemouth a pan bakah, Caleb Wiley chu loan-in Watford lamah an kal tir leh bawk.