Real Madrid goalkeeper hlui Iker Casillas chuan, tuna goalkeeper tha a tih panga a thlangchhuak a, Real Madrid si ban nghaktu Thibaut Courtois chu number one-ah a dah.

Casillas hi goalkeeper awm tawh zawng zawnga ropui ber pawl a ni a, Santiago Bernabeu-ah kum 16 ngawt awmin, Real Madrid tana a khelh chhung hian La Liga title panga, Champions League nomawi pathum leh trophy dang tam tak a chawi a, kum 2020 khan inkhelh a chawlhsan thu a puang.

433-in an kawmnaah kum 41 mi hian tunlai goalkeeper tha a tih panga thlang chhuakin, Liverpool leh Brazil number one Alisson Becker-a tan hmun a awm lo.

Casillas-a goalkeeper tha tih top 5:

1. Thibaut Courtois (Real Madrid/Belgium)

2. Ederson (Manchester City/Brazil)

3. Jan Oblak (Atletico Madrid/Slovenia)

4. Marc-Ander ter Stegen (Barcelona/Germany)

5. Manuel Neuer (Bayern Munich/Germany)