Dutch club Ajax chuan an youth player kum 16 mi Noah Gesser chu Zirtawpni khan car chesual (accident)-ah a thih thu an puang.

Vawiin khan Ajax hian Gesser sunna hun hi an training match an neih turah an hman thu an club chuan a tarlang bawk a ni.

Gesser hi Ajax-ah kum 2018 atang khan a awm tawha, season thar lo awm turah hian Ajax U17 team-a khel tur ni mahse vanduaina a tawk palh ta hlauh a ni.

Gesser-a te chhungkua vanduaina hi a thuah hnih hle a, he car accident-ah hian amah mai bakah a unaupa pawh a boral tel ve.

Gesser hian Ajax academy a zawm hma hian Alphense Boys, Almere City leh VVIJ lamah te hun a lo hmang tawha, Spanish club lian Real Madrid pawhin Twitter lamah Gesser-a chhungte an tawrhpui thu hi an tweet ve nghe nghe a ni.