Barcelona captain Sergio Busquets chuan Sevilla an hmachhawn tuma a ke a tihulh avangin Manchester United a hmachhawn thei lo maithei.

Pathianni khan Busquets hi Camp Nou-ah a inhliam a, thlak nghal a ni. Thawhtanni khan a hliam hi endik niin, a ke veilam a ulh nia tarlan a ni. 

A rawn kir leh theih hun tur chiah hi tarlan a ni lo a, a lo berah kar 2 emaw vel a chawlh rin a ni.

Kar 2 a chawlh chuan Villarreal leh Cadiz an hmachhawn turah a tel theih a rinawm loh a, Europa League knockout play-off round United nena February ni 16-a an khelh turah pawh a tel theih loh hmel. 

Tun season chhungin Barcelona game 31-ah kum 34 hi vawi 27 a inlan tawh a, tun season zawh hnua a hun hman chhunzawm dan tur pawh thuchiang a la awm lo. 

Chhuah a duh leh duh loh chu amahin thutlukna a siam dawn niin Xavi chuan a lo sawi tawh a ni. Xavi-a pawlte hi La Liga lamah point 8 laiin an fal mek a, champion turin an dinhmun a zia viau a ni.