Premier League-a hlan kai thar club Burnley chuan  Leyton Orient atangin goalkeeper Lawrence Vigouroux an lak luh thu an puang.

Kum 29 mi hian Turf Moor-ah kum 3 chhung atan contract a ziak a, tun nipuia an player lak luh pahnihna a ni.

Vigouroux hian Brentford, Tottenham leh Liverpool-ah hun a lo hmang tawh  thin a, season hnuhnung bera Sky Bet League Two champion Orient-ah hian a tangkai leh thawhhlawk ber pawl a ni.

"Burnley-a tel tur hian Lawrence hi ka awhna rei tawh a, tuna a dinhmun thleng tur hian Academy system  tha ber pawl a paltang a ni.

"Tunhnaia a chetdan hi sawisel bo a ni a, goalkeeper tha tak a ni. A nungchang a mawi bawk a, a teammate turte pawhin thawhpui nuam an ti hle ang," tiin Manager Vincent Kompany chuan club website, burnleyfc.com-ah a sawi.

Vigouroux hian Brentford leh Spurs-ah youth football a khel a, kum 2014 khan Liverpool a zawm. Anfield-ah hian first-team a chang pha lo a, loan-a hun a hman ren rawn hnuah 2016 khan a nghetin  Swindon chuan an chhawr.

"Burnley-a ka lut hi a ropui ka ti khawp mai. Training ground-a ka chetla ve thei turte hi a ropui ka ti a, ka hlim takzet.

"Hmalam panna kawng tur dik tak a niin ka hria a, helai hmunah hian sulhnu duhawm tak ka hnutchhiah theih ngei ka beisei,"tiin Vigouroux chuan a sawi.