Inrinni zan Bundesliga inkhelah Borussia Dortmund chuan Wolfsburg an tlawh a, 3-1 in mikhual lam Borussia Dortmund hian hnehna an chang a, point thum an hawn.

He inkhelah hian Wolfsburg tan Wout Weghorst chuan goal a khung a, Dortmund tan hian Emre Can, Donyell Malen leh Erling Haaland te chuan goal khat theuh an khung bawk.

Norwegian goal thun khawl Haaland hian Bundesliga-a a goal 50-na Wolfsburg lakah hian a thun a, kum 21 leh ni 129-a upa niin Bundesliga-a goal 50 khung tling thei naupang ber a ni.

Weghorst hian inkhel tan tir teah Wolfsburg hi hma hruaipui mahse Emre Can chuan penalty spot atangin 35mins-ah Dortmun si phurh a sut.

Second half-a minute sawm an khelh Malen chuan Dortmund hi hma a hruaipui a, 80mins-ah Haaland hian Dortmund goal thumna hi a khung ve leh a ni.

Khelh 13-ah Dortmund hian point 30 hlawhchhuak tawhin, pahnihna dinhmun an hauh a, pakhatnaa awm Bayern Munich chu point khatin an pha lo. Wolfsburg hian khelh 13-ah point 20 neiin, pasarihnaah an awm ve mek thung a ni.