Brighton chuan Borussia Dortmund atangin German midfielder Mahmoud Dahoud an lak luh tur thu an puang.

Germany midfielder Mahmoud Dahoud hi free agent a ni a, Kum 27 mi hian kum 4 chhung Albion-ah hun  a hmang dawn a, July ni  1 atangin a zawm ang.

Syria a piang Dahoud hi kum 2020 khan Germany tan vawi 2 a fehchhuak. Joao Pedro leh James Milner hnuah tun nipui bazar atana Premier League club Braighton-in an lak luh 3-na chiah a ni. 

"Ka team-a Mahmoud ka chhawr thei tur hi ka phur khawp mai. Sassuolo-a ka awmlai atang tawha ka awh em em a ni a, kan bulah hian player tha ber pawl a ni dawn tih ka chiang," tiin Roberto De Zerbi chuan a sawi.

Dortmund a zawm hmain Borussia Monchengladbach-ah Mahmoud  hian bul a tan a, Bundesliga runners-up tan hian game 141 a khel ve tawh. Mahse nipui hnuhnung ber khan a dar a tihliam a, duh angin game a khel tam thei lo.

"Mahmoud kan club-ah kan la lut thei hi a lawmawm khawp mai. A thiamna leh theihna hi Roberto-a tan a tangkai hle dawn a ni.

"Player tha lutuk a ni a, boruak sang takah pawh tawnhriat a nei tha, Europe lamah pawh tawnhriat tha tak a nei bawk,"tiin Brighton technical director David Weir pawhin a sawi.