World Cup warm-up match atan Brazil chuan an squad an puang a, Arsenal Brazilian player pathum Gabriel Jesus, Gabriel Martinelli leh Gabriel Magalhaes te an tel lo.

Jesus, Martinelli leh Gabriel te hi, tun season-ah Arsenal tan an che tha hle a, mahse Brazil head coach Tite chuan tun thla a friendly match Ghana leh Tunisia te laka an khelh tur atan a ko tel lo.

Tite hian a koh ngai lo Flamengo striker Pedro a ko thung a, Pedro hian tun season Copa Libertadores-ah goal 12 thun tawhin, top scorer a ni.

Tite hian defender a koh ngai loh pahnih a ko thar bawk a, Juventus defender thar Gleison Bremer leh Roma defender Roger Ibaez te an ni a, Tite hian player pahnih te hi enchhin a tum niin a lang.

Brazil squad-ah hian Dani Alves leh Phillipe Coutinho te an tel lo bawk a, Manchester United player pathum Fred, Casemiro leh Antony te an tel vek thung a ni.

Brazil squad-

• Goalkeepers: Alisson (Liverpool), Ederson (Manchester City), Weverton (Palmeiras)
• Defenders: Danilo, Alex Sandro, Gleison Bremer (all Juventus), Alex Telles (Sevilla), Thiago Silva (Chelsea), Eder Militao (Real Madrid), Marquinhos (Paris Saint-Germain), Roger Ibaez (Roma)
• Midfielders: Casemiro, Fred (both Manchester United), Fabinho (Liverpool), Lucas Paquet (West Ham), Bruno Guimares (Newcastle), Everton Ribeiro (Flamengo)
• Forwards: Neymar (Paris Saint-Germain), Richarlison (Tottenham), Roberto Firmino (Liverpool), Vinicius Junior, Rodrygo (both Real Madrid), Antony (Manchester United), Raphinha (Barcelona), Matheus Cunha (Atletico Madrid), Pedro (Flamengo).