Salt Lake City, USA-ah UFC 291 neih zawh niin, mipui singchuang pungkhawm hmaah  Justin "The Highlight" Gaethje chuan second round-ah head kick nalh tak, kumin chhunga knockout of the year ni thei tur khawpin Dustin Poirier a pêt thlu tawp. 

Round an tan phat atang boruak a sang, fighter pahnihte an inkhawih fuh deuh pawh a ri thlawp thlawp thei. Mipui lamin Gaethje an au, a chang leh  Poirier tiin an au rual leh thin. Round khatna chu khamawm loh takin a tawp a, a hmuna entu mipui an awm hle hle theilo a ni ber. Second round an tan leh tihin Gaethje chuan Poirier nghawng ah pêt thutin a tlusawp zui. Hemi hnu hian vawi khat chhui zui mah se, referee Herb Dean inrawlh vatin insual a titawp nghal. Gaethje hian a chak hnu hian a lawm lutuk chu a tih dan thin angin Octagon-ah lawn chhovin a invawrh thla zui

Kum 2018 khan Poirier hian lo tuk tlawm tawh mah se, kum 2023-ah erawh Gaethje chuan nalh mang khengin a pêt thal tawp thung. Gaethje chuan, "Ka chak hi ka lawm a, khawvela coach tha ber Trevor Wittman ka nei hi ka tan a hlu takzet. October thla hian lightweight title inchuhna a awm dawn a, a chak zawk chu ka hmachhawn duh a ni, " tiin a inhrosa nasa hle.

Alex Pereira chuan light heavyweight huanga a vawi khat khelhna ah champion hlui Jan Blachowicz split decision-in a hneh bawk. Round tir lamah Blachowicz a chungnung hle a tih theih a,  keuh thluk tumin a nawr na nghal hle. Hun eng maw chen Pereira inveng mah se, Blachowicz  chuan bjj black belt anih na hmang tangkaiin   a keuh thlu ta nge nge. Pereira rawn tho lehin Blachowicz chu a hnungah lawn chhovin rear naked choke hmangin a rêk zui leh. Mipui thawm ring tak karah first round submission hmangin Blachowicz a chak mai dawnin a lang. Pereira erawh inpawmchillh thiam hmingthang  Texeira bula a thil zir a hmang tangkai thiam a, round khatna chu engtin tin mawni a khel tluan thei hram a ni ber.

Round hnihna an thleng chho erawh  Pereira a che tha chho ve thung. Blachowicz chuan titlu leh thei mah se, rei vakloh hnuah rang takin a rawn tho leh thung. Pereira chuan a kut leh ke thlawh chhuak mawlh mawlhin a thunun chho viau. Middleweight champion hlui Pereira chuan round thumna ah pawh a tih dan pangaiin a kut leh ke a thlawh chhuak zui zela, kum lama upa zawk Blachowicz  a chau tawh tih a hriat theih. Dar rik dawn hnaihah Blachowicz chuan bawhthlu mah se, a hah deuh tak em avangin a bawhthlu  ringawt a ni ber. Eng vak ti thei lovin an insual hun pawh a zo ve ta mai bawk. Judge pahnihin Alex Pereira chak zawkin an hmu a,  judge pakhatin Blachowicz a hmu chak thung. Hetiang anih takah chuan judge tam zawk thuthlukna a lal lo thei lova, split decision-in Alex Pereira a chak ta hram.

Heavyweight bout-ah Derrick Lewis chuan UFC fighter zinga tumpuite knockout tam ber record siam bawkin, knockout hmangin vawi 14 a chak tling ta chiah.  Insual tura dar a rik vel tihin Marcos Rogerio de Lima chu flying knee hmanga a tihtluk  hnuin  a hnek nghal miah miah. Second rei vaklo chu referee chuan Marcos Rogerio chu talchhuah theihna hun pe mah se, engti maha a chhan zui tak lovah  referee inrawlh vatin technical knockout-in second 33 lekah Derrick Lewis chuan hnehna a chang bawk.

Lightweight bout-ah Bobby Green chuan arm triangle choke hmangin Tony Ferguson hneh bawkin, interim lightweight champion hlui Tony Ferguson hian kawng engkimah a phalo a ni vel vek. Heti hian Ferguson hi a zawna vawi 6 a tlawmna ni chiahin, UFC-ah rei tak a khelh pawh a rinawm ta lo.

Lightweight bout-ah Bobby Green  arm traingle choke hmangin Tony Ferguson hneh bawkin, interim lightweight champion hlui Tony Ferguson hian kawng engkimah a phalo vel vek a ni ber. Heti hian Ferguson hi a zawna vawi 6 chaklo tling chiahin, UFC a chhuahsan hnai lovang tih a sawi theih ta lo. Main card opener-ah Kevin Holland chuan first round-ah D'arce choke hmangin Michael Chiesa a hneh bawk

Main card           

Lightweight       

Justin Gaethje   def.        Dustin Poirier     KO (head kick)  

Round 2, 1:00    

Light Heavyweight

Alex Pereira        def.        Jan Błachowicz  Decision (split) (29–28, 28–29, 29–28)

Round   3,            5:00       

Heavyweight    

Derrick Lewis     def.        Marcos Rogério de Lima TKO (flying knee and punches)

Round   1, 0:33  

Lightweight       

Bobby Green     def.        Tony Ferguson  Technical Submission (arm-triangle choke)          

Round 3, 4:54    

Welterweight  

Kevin Holland     def.        Michael Chiesa  Submission (brabo choke)