Nizan Champions League Round of 16 inkhel pakhat zawkah German champion Bayern Munich chuan first leg-ah 5-0 a an lo hneh tawh Besiktas chu 1-3 in an hneh nawn leh a, quarter final-ah an inhlangkai ve leh ta.
Besiktas 1 - 3 Bayern Munich (Agg 1-8)
(Vagner Love 59') (Thiago 18', Gokhan OG' 46, Sandro Wagner 84)
Besiktas XI - Zengin, Gonul, Uysal, Meidel, Erkin, Arslan, Ozyankup, Quaresma, Pektemek, Lens, Love.
Bayern Munich XI - Ulreich, Rafinha, Boateng, Hummels, Alaba, Vidal, Martinez, Alcantara, Muller, Lewandowski, Ribery.
(adsbygoogle = window.adsbygoogle || []).push({});
Bayern tan he inkhelah hian Thiago Alcantara chuan goal thun mahse inhliam avangin lakchhuah a tul.
5-0 laia hnehna an lo chan tawh avangin Bayern player te hahdam takin an khel thei a, Besiktas erawh beiseina nei tawh lo mahse tang takin an mualah hian an khel thung.
Chutihrualin Besiktas tan German club lian hi tihngaihna vak a awm lo ani ber! Bayern tan Thomas Muller cross chu Barca player hlui Thiago chuan a lo thun a, tun season-a Bayern goal 100na chiah a ni.
Gokhan chuan second half tan tirhah anmahni lamah a tilut palh a, Bayern-in 2-0 in hma an hruai chhunzawm. Hemi hnu reiloteah Home team tan Vagner Love chuan Besiktas tan goal a thun ve a, minute 51 naah 1-2 a ni.
Bayern tan Sandro Wagner chuan Bayern hmahruaina a rawn tipung leh a, 1-3 niin German team hian UCL Quarter final an lut chiang hle a ni.
Bayern Munich hian tunhnai Champions League hnuhnung pariatah tum 6 zet semi final an lut thei a, semi final lut leh tur hian team pakhat an paihtlak leh a tul dawn a, eng team nge tih chu tun zirtawpni hian kan hrethei ang.
He inkhel atanga thil kan hriat thar te:
#Munich hi a zawnin quarter final tum 7 an lut ta.
#Jupp Heynckes hi Champions League history-a a zawna game 11 chak thei awmchhun a ni.
#Aggregate-ah 8-1 laia an chak avang khan Bayern chu UCL history-a Aggregate tam pasarih zingah telin, heng zinga pali hi anmahni an ni (12 vs Sporting Lisbon, 10-2 vs Arsenal, 7-0 vs Shakhtar Donetsk, 8-1 vs Besiktas).
#Besiktas hi Bayern an hmachhawn hnuhnung paliah an tlawm fai vek a ni.