Ajax chuan Dutch winger Steven Bergwijn-a chungchangah Tottenham chu inremna an neihpui tawh tih 90min chuan a tarlang.

90min tarlan danin, Ajax leh Tottenham te hi Bergwijn-a man atan pound maktaduai 20 in an inrem a, add-ons ah Ajax hian pound maktaduai 5 dang an chawi belh bawk dawn.

Inkhelhna hmun a chan tam theih loh avangin Bergwijn hian Tottenham chhuahsan thuai a duh thu a lo sawi tawh a, kumin January thla pawh khan chhuah a tum tih a sawi tel bawk.

Season liamta chhung zawng khan Bergwijn hian Premier League-ah vawi li bak inkhel bul a tan lova, a duh ang ngeiin North London club hi a chhuahsan dawn niin a lang.

Kum 24 mi hi Tottenham hian kum 2020 January thla khan PSV Eindhoven atangin an lei a, a manah pound maktaduai 26.7 sengin, kum nga daih contract an ziahpui.

Tottenham hian forward thar an melh mek a, Leeds United winger Raphinha bakah, Manchester City forward pahnih Gabriel Jesus leh Raheem Sterling te chu an ngaihven nia tarlan a ni.

Inkhel Youtube News, Pic-ah hian click rawh le