Benfica chuan Jose Mourinho chu an manager thar a nih thu an puang a, kum 2027 nipui thleng contract an ziahpui.

Thawhlehni khan Champions League-ah Benfica chuan  Qarabag an hneh lo a, an coach Bruno Lage an ban chhunzawm nghal a, Jose Mourinho chu biain, kum 62 mi hian Benfica enkawl a duh ve bawk a, inremna an nei ta a ni.

Galatasaray khan Champions League play-offs match-ah Benfica an hneh lo a, an manager Jose Mourinho hi an ban phah. Khami hnu khan Chelsea boss hlui hian hna a nei leh tawh lo a, play-offs match-a an hneh lo Benfica chu a enkawl dawn ta a ni.

Kum 2000 khan Mourinho hian Benfica-ah manager hna a thawk tan a, game 10 a enkawl hnuah an manager nen an inkarah inhmuh thiam lohna an neih avangin a chhuahsan.

Tun season competition hrang hrangah Lage hian Benfica chu match khat a tlawmpui a, Mourinho chuan Benfica a enkawl chhunzawm dawn a, Primeira Liga-ah 6-na an ni mek a, hmahruaitu Porto chu point 5-in an phak lo mek a ni.

Tun inrinni hian Mourinho chuan Benfica a enkawl nghal dawn a, Champions League lamah Chelsea pawh an hmachhawn dawn bawk a, Stamford Bridge-ah Jose Mourinho chu a kir leh dawn a ni.