Belgian defender Jan Vertoghen chuan Tottenham-a a contract a hman zawh hnuah, Portuguese club Benfica a zawma, kum 2023 thleng daih contract a ziak.

Tottenham chuan Vertonghen hi contract thar an zawrh tawh loh avangin, tun season khelh zawh rual khan kum 33 mi hian Spurs a chhuahsan fela, kum 8 zet London-a hun a hman hnuah Portugal lam a pan.

Vertonghen hi Ajax academy-a awm thin niin, kum 2012 khan Tottenham hian Ajax atang hian lalutin, Tottenham-a a awm chhung hian PFA Premier League Team of the Year-ah vawi hnih a lang thei.

Vertonghen hian Tottenham tan game 200 chuang fe khel hmanin, an player pawimawh a ni chho ngar ngara, Tottenham-a a season hmasa berah hian PFA Premier League Team of the Year-ah lang nghalin, kum 2018 khan Tottenham Player of the Year-a thlan a ni bawk.

Benfica hian Vertonghen an lakluh ruak hian Brazilian winger Everton Soares bakah German forward Gian-Luca Waldschmidt-te chu an lalut bawk a ni.