Borussia Dortmund chuan an hnena cham chhunzawm zel turin Jude Bellingham chu an thlem a, tunah hian German club hi an inringtawk tawh hle. 

A hma hun atan Bellingham pawhin thutlukna a siam fel tep tawh niin 90min chuan a tarlang.

Bellingham hian Dortmund-ah hian kum 2025 thleng contract a nei a, mahse BVB chuan contract thar sign duh lo leh chhuak duh player an awm chuan nipuiah an hralh tur thu an sawi.

Dortmund chuan season dang Germany-a la cham turin Bellingham chu an duh a, contract thar sign a remti a nih chuan an club history-a player hlawh hnem ber nihtir an tum niin an sawi. 

90min tarlan dan chuan kar tharah hian sawmna an siam dawn niin an sawi a, March thlaah inbiakna an kalpui theih rin a ni. Club pawhin beiseina sang tak nen a thutlukna nghah an inhuam.

A chhungte leh a agent te Dortmund-a Bellingham a cham chhunzawm chuan hlawkna a awm dawn niin Dortmund chuan an sawi hmuh a, Erling Haaland pawhin kum 1 cham belhin Manchester City-a a insawn khan hlawkna tam tak a dawng.

Bellingham hian duh thlan tur a nei nual dawn a, Liverpool, Manchester United leh Real Madrid te chu nakina a la pan tur nia ngaih an ni. 

Club pathumte hian hma lak an tum theuh a, mahse engmah thuchiang a awm hran lo niin 90min chuan a tarlang a. Germany-a a cham zawk pawh a rinawm tho a ni.