Lyoto Machida chuan Bellator a zawm ve leh ta a, a hma pawhin UFC star hluite chuan Bellator hi an lo luhchilh tawh hlawm a ni.

Kum 40-a upa Machida hi UFC ah a zawnin vawi hnih a chak mek a, 24-8 record a nei bawk a. Thla hmasa lawk khan Rio de Janiero khawpuia UFC 224 neihah Vitor Belfort chu front kick hmangin a knock out a, UFC contract a hmang zo chiah a ni.

‘The Dragon’ Machida hi UFC light heavyweight champion a ni tawh a, February 2007 khan UFC 67 ah a tel a, UFC khawvel a luhchilh tanna a ni a. A fight hmasa 8 ah a chak nghal vek a, 205-pound champion a ni zui a. Champion tur hian a kalkawngah Tito Ortiz, Rashad Evans, Mauricio ‘Shogun’ Rua, Randy Couture, Ryan Bader leh Dan Henderson te a hneh hlawm a. UFC chanchinah chuan fighter ropui berte zinga sawi tel a ni.

Zirtawpni khan Bellator a luhchilh thu hi an puang a, mahse Lyoto Machida hian eng tikah nge fight a neih dawn tih erawh a la hriat loh a, 2018 chhung chuan a inlan hman an beisei thu an sawi.

Bellator-ah hian a hmain Rory MacDonald, Benson Henderson, Gegard Mousasi, Frank Mir leh Matt Mitrione te pawh UFC chhuahsanin an lo lut tawh a ni.