David Beckham chuan Ruben Amorim chunga rinna a nghah zia a sawi chhuak a, United-in hun harsa tak an tawh mek chu a hriatthiam thu leh, club nghelnghet tak ni leh tur chuan Amorim hian danglamna a siam theih a rin thu a sawi bawk.

David Beckham chuan, "Tun season chu United an che chhe hle. Kan hunlai kha chuan United a nghelnghet em em a, manager ngai kan hrawn rei a, kan vannei em em a ni.
"Club a hlawhtlin dawn chuan, a ngelngheh hmasak phawt a ngai, chu chu a pawimawh ber.

"United hian manager tha tak an nei niin ka hria. Tin, manager mai bakah, club chhungkuaa mi tu pawh hian ngelnghet taka kal an duh a, chumi tur chuan hma pawh an la tih a chiang.

"Chutih laiin fans lam erawh chuan mual chhunga player te chetla vel bak hi an hmu lo a, result a chhiat chuan fans an lawm lo thin.

"Chuti chung chuan kar tin hian inkhel en tur United fans sing 7 chuang stadium-ah an awm thei reng. Manager hian thlawpna tha tak a dawng tih a chiang a, thil danglam thlen thei a ni dawn.

"Amorim hi manager naupang ni mah se, hlawhtlinna lo chang tawh, tawnhriat tam tak nei tawh a ni a, United-ah hian danglamna a siam theih ka ring tlat a ni," tiin a sawi.