Bayern Munich chuan Luis Diaz lak chhuah dan a awm lo maw tiin Liverpool an be dek dek, Premier League Champions hian an player pawimawh hi hralh an phal loh thuin an lo chhang.

Diaz hian kum 2027 thleng Anfield-ah contract a nei a, contract thar chungchang erawh an la sawi lo nia tarlan a ni. 

Liverpool chuan Colombia international hi hralh an phal loh thu Bayern Munich director of sport Max Eberl hnehah an hrilh niin The Athletic chuan a tarlang.

Diaz hi Barcelona pawhin an ngaihven a, anni pawh hi thla hmasa khan Liverpool chuan hralh an phal loh thu an hrilh tawh bawk.

Diaz hian kum 2022 January thla khan Porto atangin Liverpool a zawm a, a man kha £37.5million niin, a chetthat chuan a man hi £50million thleng a ni thei dawn bawk.

Season liamtaa Premier League no mawi an chawi theih nan khan Diaz hian tha a thawh hlawk hle, league gmae 36 khelin goal 13 a khung.