Barcelona director Jordi Cruyff chuan Ghana star Muhammed Kudus an enthla uluk hle tih chu a pha lo.

He kum 22 mi hian Qatar World Cup group stage-ah an ram chakna goal 2 khungin  star a ni der tawh.

90min chuan thawhlehni khan, Premier Club hrang hrangin an ngaihven hle tih a tarlang a, Arsenal leh Liverpool pawh an bang lo. Europe lam pawhin an hmu tai ve tho niin a lang.

Ajax midfielder la lut tur hian Barcelona hi rin kai deuh an ni. Hemi chungchangah hian Gruyff chuan, "Kum 1 aia rei mah chu Muhammed Kudus hi kan lo enthla tawh. Kan duh chiah em? tih erawh kan la sawi thei lo, mahse kan ngaihven khawp mai.

"Goal-te a khung a, Holland-ah pawh a position chungchang hi an sawi nasa. Ka hrechiang khawp  mai, " tiin RACI a hrilh.

Kudus hian tunhnaiah chauh Ajax starting 11 a chang a, tun season-ah position hrang hrangah hman  niin central midfield, wing leh forward-ahte a khel kual.

Tun season-ah club tan Kudus hian game 21 a khelhah goal 10 a khung tawh a, Champions League group stage-ah goal 4 a khung bawk a nih kha. A goal khung tam zawk hi chu striker-a an chhawr tuma a khung te an ni.