Luis Enrique-a'n season tawp rual a Barcelona a chhuahsan dawn avangin a thlaktu tur an zawng mek zel.

Premium Sport-in a tarlan danin Barcelon chuan Juventus manager Massimilano Allegri an duh a, Barcelona hian kum khat a £8m hlawh turin thlem chhuah an tum niin a tarlang.

Enrique a chhuah dawn tak si avangin Barca hian manager tha an dap nasa hle a, Everton boss Ronald Koeman-a hming pawh a ri ngun malh malh hle a ni kha. Allegri hian Juventus hlawhtling takin a enkawl mek a, a zawna Serie A champion ni turin an dinhmun a tha leh hle tawh a, Champions League-ah an la dam bawk.

Allegri hi Barcelona nen chauh a sawi zawm a ni lova, Arsenal nen pawh sawi zawm an ni bawk. Barcelona chungchangah Juventus boss hian tawngkam a la nei lova, a chhuah mai ang em tih chu zawhna tam ber a ni mek.

Barcelona hian tuna an assistant coach Juan Carlos Unzue pawh hi manager atanga chhawr chhunzawm mai turin an nei a, mahse tun aia tawnhriat la ngah deuh turin an duh niin a lang a, nakin lawkah chuan an la chhawr chhunzawm tho rin a ni bawk.