Barcelona tan Xavi leh Lionel Messi khel dun hman mahse Spanish mifielder hian Real Madrid forward Cristiano Ronaldo chu Ballon d'Or dawng turin a buk rit ber tih a sawi. Ronaldo leh Xavi leh thla hmasa khan an lo inbakkaih deuh tawh a, nimahsela Xavi nen hian an inhaw zui lem lo niin a lang.

"Kumin Ballon d'Or dawng tur hi chuan Euro leh Champions League a champion Ronaldo hi a buk rit berin ka hria. Nimahsela a tan pawh Messi a awm dawn avangin a harsa hlein a rinawm," tiin Ronaldo chuan Messi aia Ballon d"Or a dawn a rin thu a sawi. Messi hian Ballon d'Or tum nga zet a danwg tawh a, ani aia dawng hnem an awm lo. Kum 31 a upa Ronaldo hian tum thum a dawng tawh thung a, kumina a dawng leh a nih chuan Messi a hnaih sawt dawn a ni.

Kar kalta La Liga inkhelah mak tak maiin Barcelona-in Celta Vigo an hneh lo a, hemi chungchang hi sawiin Xavi chuan, "Buaina tur awmin ka hre lo. Inkhel kha ka en thei lo a, nimahsela a lan danah chuan mimal tihsual a tam hlein a ka hria. Barcelona hi chu club tha bik leh danglam bik an ni a, hei hi Barce kan chhuahsan ruala kan hriat hmasak ber a ni," tiin Barca chu club tha bik an nih thu a sawi.