Tun season atana Formula 1 tlan hmasak berah Mercedes driver Valtteri Bottas a chungnung bera, Bottas-a team-mate leh champion lai ni bawk Lewis Hamilton erawhin podium a chang pha lo.

Mercedes lam hian buaina an nei deuha, race tawp lamah an gearbox-ah harsatna tawk mahse Bottas hi a chungnung ber ta tho a ni.

Pahnihnaa Ferari an langa, Charles Leclerc chu pahnihna niin, pathumnaa McLaren driver kum 20 mi lek Lando Norris a awm bawk.

Palinaah Hamilton awmin, panganaah hian McLaren driver Carlos Sainz a awm thung.

Ferari driver Sebastian Vettel chu 10-naah a awma, kum 2007 Formula One World Championship la tu Alfa Romeo driver kum 40 mi Kimi Raikkonen chu a tyre a thlawh chhuah avangin a tlan zo thei lo.

Season hmasa Austrian GP champion Max Verstappen pawh Lap 11-naa a car a fel lo tana, Lap 14 naah a inhnuhdawh a ngaih phah.

Kumin Formula One hi coronavirus avangin tlan theih a nilo renga, race eng emaw zat an cancel-a an sawn hlat hnuah Austrian GP hmang hian season hawn a ni ta a ni.