Ghana president leh mi sang tam takin a tawp nan Christian Atsu zahna an lantir.

Turkey lirnghing avanga nunna chanta Christian Atsu vuina hun hi Ghana khawpui Accra State House khawtah hman a ni a, hetah hian mipui tam tak an pung khawm a ni.

"Hringnunah ka hmangaih che a, thih hnu piah lam thlengin ka hmangaih ang che duh tak.

"Nangmah maiin i kal lo, ka peng pakhat i liam pui a ni. I nui hmel leh i hmangaihna kan fate nui hmelah hian ka hmu reng ang,""tiin a nupui Marie-Claire Rupio chuan mittui nen a pasal thlahna thu hnuhnung a sawi. 

Ghana national team representative leh Atsu-a club Hatayspor-te pawh mi tam takin an hnam hero anga an en vuina hunah hian an tel ve.

"A career-a a thlen san lai ber pawhin chapona, thinchhiatna leh nungchang that lohnain Atsu hi a hliah khuh ngai lo. A ro hlu hnutchhiah hi midang entawn turin a nung reng ang,"tiin Sport Minister Mustapha Ussif chuan pungkhawmte hnenah a sawi bawk.

A apartment building chim karah Atsu-a taksa hi chawlhkar hnih lai a tang a. Ghana-ah hruai kir niin, Ghana south-eastern lama a pianna khuaah phum a ni ang.

Kum 31 mi Atsu hian a career-a hun tam zawk chu English Premier League club Chelsea, Newcastle leh Everton-ah te a hmang a ni.

Ghana tan vawi 65 lai a lo fehchhuak ve tawh bawk a, 2015 Africa Cup of Nations, Equatorial Guinea-ah a pawl te chu final thlenpuiin, player of the tournament lawmman hlan a ni.

Ghanaian tam takin Atsu-a hmangaihna leh ngilneihna an hriat reng tawh tur thu BBC an hrilh a. Atsu hi theihtawpin mi harsa zawkte tan a luang chhuak thin.

Atsu hi an hnam tihdana thlah a ni a, Drum leh brass band-in colourful cultural display an nei. Pungkhawm mi tam takin Atsu a ruang chu zahna chibai an buk bawk a ni.