Antoine Griezmann chuan tun nipuiah Atletico Madrid a chhuahsan loh tur thu a sawi.

France international chuan World Cup hmain club-a a awmna tur a tifel a - Barcelona emaw Manchester United a zawm dawn lo.

(adsbygoogle = window.adsbygoogle || []).push({});

Kum khat aia tam daih Griezmann hian transfer thawm a nei lian tawh a, nikum pawh khan boruak hrang hrang karah Atletico-a a cham tur thu a lo sawi tawh a nih kha.

Kuminah pawh a thawnthu a danglam chuang lo. Barcelona chuan a manah €100m pek an inhuam a, amaherawhchu France forward hian Madrid club a chhuahsan hleithei lo.

"Heta awm zel turin ka rilru ka siam fel," tiin a sawi. "Atletico a than zel theihnan theihtawp an chhuah a, Champions League final khelh ngei an tum a - home-ah ngei a nih hmel bawk.

"Top player lak tumin hma an la a, hei hian danglamna a siam ngei ang. Atletico-ah hian tihtur ka la nei nualin ka hria.

"Player tha tak tak an lei chuan helai hmunah hian Champions League trophy kan chawi thei ang. Helai hmunah hian history ka siam thei a ni. Barcelona-ah erawh mipakhat ve mai ka ni ang.

"He ka thutlukna hi 100-ah 100-in ka chiang a ni - Real Sociedad emaw helai hmuna ka lo kal ang khan. Ka inchhir lo ang," tiin a sawi.