Mikel Arteta chuan Emirates Stadium-a cham chhunzawm zel a remti a, Arsenal chuan contract thar zawrhin, kum 2027 thleng Arsenal boss a ni dawn ta a ni.

Arteta contract kal lai mek hi tun season zawh rual hian a tawp dawn a, kum 3 dang atan inrawih an tum leh a, inremna an nei ta a ni.

Kum 2019 khan Arteta hian Unai Emery a thlak a nih kha. Kum 2020 FA Cup a chawipui a, kum 7 hnuah Champions League a khelhpui leh bawk a, season hnih chhung Premier League-ah pahnihna a nihpui bawk.

Tun season bul an tan tha pangngai hle a, League game hmasa pathum atangin vawi hnih hnehna an chang a, vawi khat an khingpui an inhnehtawkpui.

Tun weekend hian North London Derby khelh a ni dawn, hetah hian Declan Rice chu hrem a nih avangin a inlan thei dawn lo.

Tin, Riccardo Calafiori leh Martin Odegaard te chu inhliam avangin an inlan thei dawn lo bawk a, nipui bazara an lak thar Mikel Merino pawh dar hliam avangin a la inkhel thei dawn lo bawk.

Transfer deadline day-ah khan Arsenal chuan Chelsea atangin loan-in Raheem Sterling an la lut bawk a, tun season chhung loan-a a inlan zawhin Arsenal hian lei theihna an nei dawn bawk a ni.