Arsenal leh Sporting CP te chuan Viktor Gyokeres-a chungchangah inremna an nei ta a, Premier League club hian Gyokeres-a manah €63.5million (£54.8m; $74.2m) bakah add-ons €10m an pe dawn a ni.

Sporting CP chuan an striker hi London pan an phalsak a, London a thlen hunah medical a nei ang a, medical hi inrinni hian a neih hman rin a ni a, chumi hnuah Arsenal chuan an striker thar a nih thu an puang tawh dawn a ni.

Sporting CP hian Gyokeres-a man hi an chhiar to hle, hetih lai hian €70.5million bawr velin club pahnihte chuan inremna an nei thei ta. A man a to em em lohna chhan chu Gyokeres-a agent hian agent fee a tihhniam vang niin The Athletic chuan a tarlang.

Gyokeres hi Arsenal bakah Manchester United pawhin an ngaihven. Hetih lai hian Sweden International hian North London Club pan a duh tlat avangin Arsenal hian an chang thei ta a ni.

Gyokeres hi Europe-a striker HOT ber pakhat a ni a, season liamta khan Sporting tan competition hrang hrangah game 52 atangin goal 54 a khung a, centre-forward mamawh em em Arsenal chuan an la thei hi an lawm khawp ang le.