Arsenal chuan Real Sociedad midfielder Martin Zubimendi chu an la lut fel ta a, a manah Arsenal hian €65million (£55m, $76.5m) an thehchhuak. London club hian installment-in an pe dawn bawk a ni.

Spain international hi thla hmasa daih tawh khan London-ah a awm tawh, indawrna kalpui a ni ngar ngar a, July ni 6, 2025 (Pathianni) khan engkim tihfel a  ni ta a ni.

"Ka football zin kawngah chuan tun hi hun ropui tak a ni chiang mai. Arsenal pan ka chak em em a, tunah chuan engkim a fel ta e.

"Arsenal-a ka lut chiah chu, club ropui leh lian tak an nih zia ka hmu chiang. Arsenal pan ka duhna chhan chu, an khel dan leh ka khelh dan hi a inmil dawn vang a ni. Tin, tun hnai hian an that zia nasa takin an lantir bawk," tiin kum 26 mi Zubimendi chuan a sawi.

Arsenal chuan Chelsea atanga Noni Madueke lak luh tumin hma an la mek zel a, mimal thilah chuan an inrem tawh niin The Athletic chuan a tarlang.

Real Madrid pawhin Zubimendi hi an awt em em, mahse Arsenal lam pan a duh tih a chian avangin an dawr ta lo law law nia report a ni.