Arsenal chuan Brentford midfielder Christian Norgaard chu an hnaih zel a, inremna an nei tep tawh niin The Athletic chuan a tarlang.
North London Club hian kum 31 mi manah hian €11million (£9.3m) an thehchhuak a, inremna chu club pahnihte hian an la nei lo deuh a, hetih lai hian an inrem vat dawn nia report a ni.
Arsenal hian an midfielder Thomas Partey chu contract thar chungchangah inremna an la neihpui lo a, ani hi tun thla tawp hian Emirates Stadium-a contract tawp tur a ni. Contract thar an inpe lo a nih chuan, Partey hian free transfer-in Arsenal a chhuahsan thei dawn a ni.
Partey a chhuak a nih chuan, tun nipuiah Arsenal midfielder pahnih an chhuak dawn tihna a ni a, Jorginho chuan Brazilian club Flamengo chu free transfer-in a pan tawh a, Gunners hian Real Sociedad atangin Martin Zubimendi lak tumin hma an la mek a, inremna pawh an nei hnai nia tarlan a ni bawk.
Norgaard hian Brentford-ah kum 2 daih contract a la nei a, kum 2019 khan Fiorentina atangin West London club hi a zawm a, Thomas Frank-a hnuaiah player pawimawh ber pakhat a ni. Hetih lai hian Frank chuan Tottenham a pan san ta si a, Norgaard pawh hian club dang a pan ve dawn ta a ni.
Norgaard hian Brentford tan game 192 a khel hman a, goal 13 a khung tawh bawk. A season hnih awmnaah Brentford chu Premier League-ah a hlangkai a, Premier League-ah pawh Norgaard hi player hmuhnawm tak pakhat a ni nghe nghe.