Arsenal chuan Valencia defender kum 20 mi Cristhian Mosquera an dawr a, ani hi centre-back leh right-back-ah te a chhawr theih a, player naupang zinga hmabak nei eng tak a ni.

Arsenal hian Marc Guehi chu Crystal Palace atanga lak an han tum zet a, mahse England international hian Gabriel Magalhaes leh William Saliba te karah hmun chan a inbeisei lo a nih hmel a, indawrna a kaltluang lo.

Spain Under 21 international Mosquera hi a la naupang a, Arsenal rinrawl la ni chho thei tur nia ngaih a ni. Valencia tan game 90 a khel tawh a, season liamta khan La Liga game 37-ah minute 90 a khel vek nghe nghe a ni.

Tun ni hnih khat chhung hian Arsenal an bazar nasa hle. Brentford midfielder Christian Norgaard lak tumin hma an la a, a manah £15million-in club pahnih te an inrem tawh a, medical nei turin hma lak mek a ni.

Arsenal hian Chelsea atanga Kepa Arrizabalaga lak tumin hma an la mek bawk. Tin, kum 18 mi Myles Lewis-Skelly chu kum 5 chhung atan contract an ziahpui bawk a ni.