Arsenal chuan Chelsea hnenah release clause £5million  an pe a, Kepa Arrizabalag an la lut fel ta.

Kepa hian Chelsea-ah kum 7 hun a hmang a, Athletic Club atanga Chelsea-in an leina man kha £71.6m ($96.9m) lai a ni a, Kepa aia goalkeeper man to vawiin thlengin an la awm lo.

Stamford Bridge-a a cham chhungin Kepa hian trophy lian 4 a chawi a, Blues tan game 163 a khel ve hman a ni. Tunah chuan kum 30 a lo tling ve tawh a, loan-a hmun hrang hranga a khelh kual hnuin Arsenal chuan kum 3 chhung atan an la lut ta a ni.

Nikum khan Kepa hian Chelsea-ah kum 1 dang atan contract thar a ziak, he a contract hian kum 2026 June thla thleng a daih. Bournemouth lamah loan-in a khel chhuak leh a, Premier League game 35 a khel a ni.

Arsenal hian goalkeeper rinrawl Raya an nei a, ani hi khawih chet harsa tak tur a ni dawn. Heti chung hian Kepa chuan chona hmachhawn a duh a, Raya nena hmun chan inchuh turin Emirates Stadium a pan ta a ni.