Arsenal chuan tun kar chhung hian  Kepa Arrizabalaga an la lut fel hman dawn niin BBC chuan a tarlang.

Kum 30 mi hian release clause  £5m a nei ve a, Chelsea-ah kum 1 contract a la nei a, season liamta khan Bournemouth lamah loan-in tha takin a khel a ni.

David Raya elpui turin Mikel Arteta chuan Kepa hi a duh a, Raya chu 1st choice goalkeeper a la ni dawn tho a, Kepa hi 2nd choice a ni dawn nia tarlan a ni.

Kum 2018 khan Kepa hian Athletic Bilbao atangin Chelsea a zawm a, a transfer fee kha £72m lai niin, vawiin thleng hian goalkeeper zingah a man khum thei hi an la awm lo a ni.

Kepa hian Chelsea tan game 163 a khel ve tawh a, Stamford Bridge-a kum 7 hun a hman chhungin trophy lian 4 a chawi hman.

2023-24 season khan loan-in Real Madrid a pan a, La Liga leh Champions League no mawi a chawi ve nghe nghe.