Manchester City goalkeeper Ederson chuan Arsenal hliamah chi phulin, Gunners fan-te hmaah ngeiawm takin a che. 

Nilaini zan khan Etihad Stadium-ah City chuan 4-1 in Arsenal an hneh, Arsenal tan chuan title banphakah a awm tawh lo ti ila kan sawi sual lo ang.

Result avanga lungawi lo Arsenal fan-te hmuhah Ederson chu ngeiawm takin a khawsa zui, chhunzawm zel turin City fan lam pawhin an lo fuih pawrh ve bawk. 

Ederson chuan Arsenal fan-te lam hawiin lei a chhuah zeuh a, inherin game a khel chhunzawm lehnghal.

Tun season Premier League-a Ederson-a'n clean sheet 11 a neihna tur chu Rob Holding chuan hun tawp lamah a titlawlh a, Golden Glove race-ah Ederson chu 6-na a ni mek.

David de Gea chuan hma hruaiin clean sheet 14 a nei a, Newcastle keeper Nick Pope chuan 13 a nei thung. Arsenal Keeper Aaron Ramsdale chuan 12 neiin, Emiliano Martinez leh Alisson chuan clean sheet vawi 11 ve ve an nei a ni.